მე-8 დღე

მასალის გამეორების შემდეგ , შევქმენით ფსილიტაციის დოკუმენტი ,რომელიც გამოადგება ჩვენს მოსწავლეებს .
გადავხედეთ პორტფოლიოს ,შევამოწმეთ ,გვქონდა თუ არა ყველა საჭირო საქაღალდე .
დავიწყეთ საქაღალდის ატვირთვა ბლოგზე.
ბლოგზე ატვირთვამდე ,საქაღალდე ავტვირთეთ დრაივში ,მივანიჭეთ მისამართი  , შემდეგ ეს მისამართი გადავიტანეთ ბლოგზე .
შევამოწმეთ და დავრწმუნდით ჩვენი მისამართის სისწორეში .
ჩვენი პორტფოლიო  საიმედოდაა შენახული.

ტრენინგის მე-7 დღე

ტრენინგი ტრადიციულად ,განვლილი მასალის გამეორებით დავიწყეთ .
ვისწავლეთ , როგორ გავწეროთ პროექტის დავალებები დიფერენცირებულად ,განსხვავებული ინტელექტის მქონე მოსწავლეებზე.
განვაგრძეთ პროექტის გეგმაზე მუშაობა .გავწერეთ სასწავლო  პროცედურები ვადების გათვალისწინებით .
როგორც ყოველთვის , და საინტერესო სამუშაო  გავწიეთ .

ტრენინგის მე-6 დღე

როგორც ყოველთვის ,გავიმეორეთ განვლილი მასალა .

გავიხსენეთ საპრეზენტაციო პროგრამა .

დავიწყეთ მოსწავლის პრეზენტაციაზე მუშაობა.

გადავხედეთ პროექტის გეგმას და განვიხილეთ პროექტის მიმდინარეობის ეტაპები.

წავიკითხეთ და განვიხილეთ პროექტისათვის საჭირო შეფასების რუბრიკები.

იმედია ,ყველაფერი წესისამებრ იქნება !

ტრენინგის მე-5 დღე

ტრენინგის მეხუთე დღე , ტრადიციულად , განვლილი მასალის გამეორებით დავიწყეთ .
შემდეგ  გავიაზრეთ ,როგორ უნდა დავიცვათ საავტორო უფლებები და დავურთოთ   გამოყენებული ლიტერატურის ნუსხა  ჩვენს ნაშრომს  .
ვისწავლეთ ,როგორ დავტოვოთ  კომენტარები  ჩვენ მიერ დათვალიერებულ ბლოგზე .
დავათვალიერეთ ერთმანეთის ბლოგები. ცხადია ,საქებარი სიტყვები არ დაგვიშურებია .
შევქმენით მოსწავლის ბლოგი .მასში მუშაობა , არანაკლებ საინტერესო გამოდგა .
გავარჩიეთ გაჯეტები ,ვისწავლეთ სურათისა და  გამოკითხვის ჩასმა გვერდზე.
კმაყოფილი დავრჩით   ჩვენი ნაშრომით  .

ტრენინგის მე-4 დღე

 განვლილი მასალის გამეორების შემდეგ ,განვიხილეთ შეფასების სხვადასხვა მეთოდი. განვსაზღვრეთ პროექტის მიმდინარეობისას  მოსწავლეთა შეფასების პერიოდულობა და ფორმა.
დროში გავწერეთ შეფასების გეგმა .
მეტი თვალსაჩინოებისათვის ჩვენი პროექტის პორტფოლიოს პრეზენტაცია მოვამზადეთ .
დატვირთული ,მაგრამ საინტერესო დღე გამოვიდა.

ტრენინგის მესამე დღე

დღის დასაწყისში გავიმეორეთ  განვლილი მასალა და დავიწყეთ მუშაობა პროექტის გეგმაზე .
იმისათვის რომ ჩვენი პროექტი მიესადაგებოდეს სასწავლო მიზნებს ,დავადგინეთ საგნობრივ სტანდარტთან კავშირი .
განვსაზღვრეთ ჩვენი პროექტის სასწავლო მიზანი .
გავიაზრეთ და დავსვით მიმართულების მიმცემი საკვანძო კითხვები.როგორც ზოგადი ,ისე თემატური და შინაარსობრივი .
შრომატევადი , მაგრამ  საინტერესო საქმიანობა გამოვიდა.
ვფიქრობ ,კმაყოფილი ვიქნები ჩემი საბოლოო შედეგით.

ტრენინგის მეორე დღე

ტრენინგის მეორე დღე საინტერესოდ დაიწყო.
მიმოვიხილეთ  საშინაო დავალებები.ყველა მონაწილეს მოფიქრებული ჰქონდა პროექტის თემა ,თუმცა ძალიან მნიშვნელოვანი რჩევები მივიღეთ ერთმანეთისაგან.
გავიმეორეთ  განვლილი მასალა . გავეცანით და გავიმეორეთ     word-ის დოკუმენტები.
დავამზადეთ სარეკლამო ბუკლეტები.
მართალია ძალიან დავიღალეთ , მაგრამ ყოველი ახალი ცოდნა სიამოვნებას გვანიჭებს.
იმედია ,არ გაგვიჭირდება მიღებული ცოდნის პრაქტიკაში გადატანა.

ტრენინგის 1-ლი დღე

 პირველი დღე გაცნობით დავიწყეთ .

ტრენინგი  რთული მეჩვენებოდა .თუმცა გზამკვლევის გადათვალიერებისთანავე დავრწმუნდი ,რომ სრულყოფილი და გამართული კურსია ,თავისი დაძლევადი სირთულეებით .რაც  მთავარია ,ტრენერი გვყავს გამოცდილი და მცოდნე  .

განსაკუთრებით მაინტერესებს მასწავლებელთა მიერ განხორციელებული  პროექტების ნახვა. 

შევქმენი ბლოგი .დარწმუნებული ვარ ,ჩემს მომავალ საქმიანობას განსაკუთრებულად წაადგება დღეს მიღებული გამოცდილება .მე ხომ ასე მინდა ჩემი ლიტერატურული ბლოგი მქონდეს !